03
октябрь
2023
"Қарттарын қадірлеген ел ардақты" тақырыбында мерекелік концерт
Жетісу облысы, Панфилов ауданы, Жерұйық ауылы "Балауса шығармашылық орталығы" мен "Нағарашы орта мектебі" КММ бірлесе отырып Қарттар мерекесіне орай "Қарттарын қадірлеген ел ардақты" тақырыбында мерекелік концерт ұйымдастырды.
Мақсаты:
Оқушылардың бойына халқымыздың қадір-қасиетін сіңіру, үлкенді сыйлай білуге, өз ата-бабасын ұмытпай есте сақтауға және аталы сөзден ғибрат алуға тәрбиелеу.
Мерекелік концертке ауыл ақсақалдары мен ақ жаулықты апаларымыз шақырылды. Оқушылар мен мектеп мұғалімдері, мәдениет қызметкерлері қарттарға өздерінің өнерлерін көрсетіп, жүрекжарды құттықтау сөздерін айтса, сурет үйірмесінің жетекшісі З.Құрманбаева мектеп оқушыларының салған суреттерінен көрме ұйымдастырды.
Ұйымдастырылған концертке мектебіміздің 10 сынып оқушылары да белсене араласып, өз өнерлерін тарту етті.
Сонымен қатар мектеп әкімшілігі қарттарды мерекелерімен құттықтап, өз тілектерін білдірді. Қарттар ризашылығын білдіріп,алғыстарын айтты.
